မြန်မာနိုင်ငံတွင် ကိုဗစ်ဒုတိယလှိုင်း အရှိန်အဟုန် မြင့်စွာ ပေါ်ပေါက်လာနိုင်ဟု သတိ ပေး

မြန်မာနိုင်ငံ မှာ ကိုဗစ်-၁၉ ကူးစက်ဖြစ်ပွားမှု ဒုတိယ လှိုင်း မပေါ်ပေါက်စေရေး အတွက် ဂရုပြုကြဖို့ Coronavirus Disease 2019 (COVID-19) ကာကွယ်၊ထိန်းချုပ်၊ကုသရေး အမျိုးသားအဆင့် ဗဟိုကော်မတီက သြဂုတ်လ ၁၈ ရက် နေ့စွဲနဲ့ ပြည်သူသို့ပန်ကြားချက် ထုတ်ပြန်လိုက်ပါတယ်။မြန်မာနိုင်ငံ မှာ ကိုဗစ်-၁၉ ကူးစက်ဖြစ်ပွားမှုပထမလှိုင်းရဲ့ အကျပိုင်းသို့ ရောက်ရှိနေကာ ပထမလှိုင်း မကြာမီ ပြီးဆုံးတော့မယ့် အခြေအနေဖြစ်ပြီး မြန်မာပြည်မှာ ရောဂါပိုးတွေ့ရှိရသူတွေ ရဲ့ ထက်ဝက်ကျော်ဖြစ်တဲ့ ၆၁ ရာခိုင်နှုန်းလောက်ဟာ အမြင်အားဖြင့် နေကောင်းကျန်းမာ ရောဂါလက္ခဏာ တစ်စုံတစ်ရာ ပြသခြင်းမရှိသူတွေ ဖြစ်တယ်လို့ ဆိုပါတယ်။

တကယ်လို့ ရပ်ကွက်/ကျေးရွာအတွင်း၊ လူထုအတွင်း ရောဂါလက္ခဏာ တစ်စုံ တစ်ရာမရှိဘဲ ကိုဗစ်-၁၉ ဗိုင်းရပ်စ်ပိုးရှိနေသော သူတွေ ရှိနေပါက ထိုသူတို့ထံမှ တိတ်တဆိတ် ကူးစက်ပြန့်ပွားပြီး ရောဂါဖြစ်ပွားမှု ဒုတိယလှိုင်း အဖြစ် အရှိန်အဟုန်မြင့်မားစွာဖြင့် ပေါ်ပေါက်လာနိုင်တဲ့ အလားအလာ များစွာရှိတယ်လို့လည်း ဆိုပါတယ်။ပြီးခဲ့တဲ့ ဩဂုတ် ၁၆ ရက်နဲ့ ၁၇ ရက်တွေမှာ ရခိုင်ပြည်နယ် စစ်တွေမြို့မှာ ပြည်ပကို ခရီးသွားခဲ့တာမရှိဘဲ မြန်မာပြည်တွင်းမှာ ကိုဗစ်-၁၉ ရောဂါကူးစက်သူ ၄ ဦး တွေ့ရှိခဲ့တာ ဖြစ်ပါတယ်။

မြန်မာပြည်သူ တွေအကြား ကိုဗစ်-၁၉ ရောဂါ ကာကွယ်ရေးအတွက် မတ်လ၊ ဧပြီလနဲ့ မေလတို့မှာ သတ်မှတ်ထားတဲ့ ကျန်းမာရေး စည်းကမ်းတွေ လိုက်နာမှု အားကောင်း ခဲ့ပေမယ့် ဇွန်လအလယ်လောက်ကစလို့ လိုက်နာမှုအားနည်းနေတာ တွေ့တယ်လို့လည်းဆိုပါတယ်။ကိုဗစ်-၁၉ ဒုတိယလှိုင်း မဖြစ်ပေါ်စေရန် တတ်နိုင်သမျှ လူစုလူဝေးရှိရာနေရာ များသို့ မလိုအပ်ဘဲမသွားကြဖို့၊ ခပ်ခွာခွာနေထိုင်ကြဖို့၊ နှာခေါင်းစည်း Mask တပ်ဆင်ကြဖို့၊ လက်ကို ဆပ်ပြာနှင့်ရေ အသုံးပြု ဆေးကြောကြဖို့နဲ့ ပြည်ပက တရားမဝင် ပြန်လည်ဝင်ရောက်လာသူတွေကို သတင်းပို့ကြဖို့လည်း တိုက်တွန်းထားပါတယ်။ဩဂုတ် ၁၉ ရက် မနက်အထိ မြန်မာနိုင်ငံ မှာ ကိုဗစ်-၁၉ ရောဂါဓာတ်ခွဲ အတည်ပြုလူနာ စုစုပေါင်း ၃၇၉ ဦး၊ သေဆုံးသူ ၆ ဦး၊ နှစ် ကြိမ်ဆက်တိုက် ပိုးမတွေ့ရှိသူ ၃၃၁ ဦးနဲ့ ဆေးရုံမှဆင်းသွားသူ ၃၂၈ ဦး၊ စောင့်ကြည့်လူနာအသစ် ၂၇ ဦးရှိပါတယ်။

Credit DVB

Leave a Comment