ကိုရိုနာပိုးရှိသူ၏ နှာချေအမှုန်များ ပျံ့လွင့်သည့်အတိုင်းအတာ သိပ္ပံပညာရှင်များ ဖော်ထုတ်ပြသ

စူပါမားကတ်အတွင်း ကိုရိုနာဗိုင်းရပ်စ် ပိုးရှိသူတစ်ယောက် နှာချေလိုက်လို့ ထွက်လာတဲ့ အမှုန်အတွေဟာ လျှောက်လမ်း နှစ်ခုကျော်အထိ ပျံ့နှံ့နိုင်ပြီး အနီးရှိ ဈေးဝယ်သူတွေကို ကူးစက်နိုင်တဲ့ 3D model တခုကို ဖင်လန်သိပ္ပံပညာရှင်တွေက ထုတ်ဖော်ပြသလိုက်ပါတယ်။

လေ့လာချက်ရဲ့ ကနဦးရလဒ်တွေအရ ဗိုင်းရပ်စ်သယ်ဆောင်တဲ့ အမှုန်တွေဟာ နဂိုထင်ထား တာထက် ပိုကြာမြင့်ပြီး ၆ မိနစ်အထိ လေထဲမှာ ဆက်ရှိနိုင်တယ်ဆိုတာပဲ ဖြစ်ပါတယ်။

သုတေသီအဖွဲ့ ရလဒ်အရ အဲဒီအမှုန်တွေဟာ ချောင်းဆိုးသူရဲ့ အနီးဝန်းကျင်ကို ကျော်လွန်ပျံ့နှံ့နိုင်ပြီး အဲဒီလို ပျံ့နှံ့ဖို့ရာ မိနစ်ပေါင်းများစွာ ကြာမြင့်ပါတယ်။ဒါကြောင့် အမှုန်အမွှားကူးစက်မှု အန္တရာယ်ကို လျှော့ချဖို့ လူစည်ကားတဲ့ မိုးလုံလေလုံ နေရာ တွေကို မသွားဖို့ သိပ္ပံပညာရှင်တွေက လူတွေကို တိုက်တွန်းထားတယ်လို့ ရိုက်တာသတင်းမှာ ဖော်ပြပါတယ်။

( ယခုဖော်ပြပါသတင်းကို DVB Multimedia Group ၏ တရားဝင်ခွင့်ပြုချက်ဖြင့် ဖော်ပြပါသည် )

Leave a Comment